وجهت أليسيا ابنة ميشيل يانكون، مدرب حراس مرمى الأهلي السابق، رسالة لوالدها عقب انتهاء رحلته مع القلعة الحمراء.
وكتبت أليسيا عبر حسابها على انستجرام: “مش بس مدرب… دا بابايا ٦ سنين من التعب، من الشغف، من العطاء… ومن الحب الكبير اللي شوفته في عيونه لكل حارس ولكل مشجع”.
وتابعت: “كنت بشوفه بيصحى كل يوم بنفس الحماس وكأنه أول يوم ليه في التتش حقق ١٩ بطولة، بس اللي أنا فخورة بيه أكتر هو احترام الناس ليه وحب الجمهور اللي عمره ما اتصنع… ده كان حقيقي”.
واختتمت: “بابا، مصر كانت بيتك التاني، ويمكن الأول أنت دايمًا أهلاوي، ودايمًا مصري… ودايمًا هتفضل البطل في عين بنتك”.
ميشيل يانكون يوجه رسالة للأهلي بعد انتهاء رحلته
ووجه ميشيل يانكون، مدرب حراس المرمى في النادي الأهلي السابق، رسالة بعد رحيله عن القلعة الحمراء.
وكتب ميشيل يانكون عبر فيسبوك: “٦ سنين كانوا أكتر من مجرد شغل… كانت رحلة حب وانتماء ونجاحات مع نادي عمري ما هنساه، كل لحظة قضيتها في التتش، وكل مباراة، وكل دمعة فرح بعد بطولة هتفضل محفورة في قلبي، فخور إني كنت جزء من الفريق اللي قدر يحقق ١٩ بطولة مع الأهلي”.
وتابع: “اشتغلت مع حراس عظام، إخواتي قبل ما يكونوا لعيبة. فخور بكل لحظة قضيناها سوا، لكن أكتر حاجة عمري ما هنسى حبها… جمهور الأهلي أنتم القلب الحقيقي للنادي. أنتم الروح. أنتم اللي بتدوا المعنى لكل لحظة عشتها هنا”.
واختتم: “وقعت في حب مصر والمصريين من أول لحظة وهفضل شايل الحب ده في قلبي دايمًا.. مصر أم الدنيا شكرًا من قلبي لكل شخص دعمني وحبنى أنا واحد منكم وهفضل دايمًا واحد منكم”.
وكان النادي الأهلي أعلن تعاقده رسميًا مع ريفيرو، ليخلف السويسري مارسيل كولر، الذي غادر الفريق في شهر أبريل الماضي بعد انتهاء مهمته.
خوسيه ريفيرو يبدأ مهمته رسميًا السبت
من المنتظر أن يقود ريفيرو أولى تدريباته الجماعية مع الفريق مساء يوم السبت على ملعب مختار التتش، إيذانًا ببداية مرحلة جديدة في مسيرته التدريبية مع الأهلي.
ويأمل جمهور الأهلي أن يواصل الفريق عروضه القوية تحت قيادة المدير الفني الجديد، خصوصًا بعد النجاحات التي تحققت هذا الموسم.
