اختر منطقتك 
حالة الطقس 
اشاد الناقد الرياضي عمرو الدرديري بمصور أحمد سيد زيزو وهو يقوم بعمل تأشيرة السفر الى أمريكا.
وكتب الدرديري من خلال حسابه الشخصي فيس بوك :” تخيل صفقة بحجم صفقة زيزو وتكون محروقة ومتوقعة كده .. يسلم إيد اللي صوّرك وإنت بتعمل تأشيرة أمريكا، والله الراجل ده كان محتاج يتكرم مننا تخيل كنا كمّلنا مغفلين، والبيه كان زمانه بيحتفل معانا مثلاً بالكأس امبارح، وصحينا على سريرنا وزيزو في الأهلي كانت هتبقى حرفياً صدمة القرن.
وتابع :” أما حالياً، فما هي إلا صفقة محروقة، ولا ليها طعم، والكل عارف ومتوقعها من كذا شهر، وصدمتها اتاخدت تدريجياً.
ورغم طبعاً اقتناعي التام بزيزو، إلا إنه لا هيزوّد الأهلي أكتر من اللي عنده، ولا كان هيموّت الزمالك أكتر من اللي فيه.
ماعتقدش حتى إنه هيبقى ربع إمام، بالعكس أنا متوقع إنه هيندم في يوم من الأيام، لأنه ساب تاريخ عندنا كبير، زيه زي جمال حمزة كده، عكس إمام وغيرهم.
واضاف :” عموماً، مبروك عليكم زيزو، بس يا رب نشوفكم يوم بعد كل ده بتكسبوا بمجهودكم..
